« भाज्या घेवु »
चल गं आजी, बाजाराला जाऊ
ताज्या अन् हिरव्या, भाज्या घेवु
वड्यासाठी हवा मला, मोठासा आलु
भजी अाणि भाजीसाठी, चकत्या छिलु
लाल-लाल टोमॅटोचं, भारी होईल सुप
प्यायला आम्हाला, आवडतंय खुप
वांग्याचं भरीत, भरलेली वांगी
स्वस्त अन् केव्हाही, नाही हंगामी
कडू, हिरवी कारली, गुणी आहेत फार
नाही-नाही करत, खातो फोडी चार
पालक-मेथी, शेपु-चुका डब्याला
कोथंबिर वापरावी, स्वाद आणि चवीला
पनीरसोबत पालक, भजी त्याची चवदार
कडवट मेथीची, भाजी आवडे थोडीफार
कोबी, फुलवरचे, प्रवासात खावे पराठे
हलकेफुलके जेवणच ते, आम्हा हवे वाटे
लांबसर भेंडीची, चिकट होईल भाजी
लिंबु पिळ म्हणुन थोडं, सांगते आजी
चव आणि तंदुरूस्तीला, खाव्या ताज्या
भरून पिशवी, घेतल्या मी भाज्या
• रघुनाथ सोनटक्के
मो. 8805791905
(पाणिनी मासिकात प्रकाशित)
(पाणिनी मासिकात प्रकाशित)