पाऊस

« पाऊस »

सर सर सर सर आली

भर भर भर धरा ओली

चिंब चिंब चिंब झाले सारे

गार गार गार झोंबे वारे

गड गड गड वाजे नभ

तड तड तड वाजे बघ

चम चम चम करे विज

शांत बरे बाळा निज

धोधो धोधो पाऊस धारा

मधेच पडती शुभ्र गारा

धम धम धम काळी रात्र

पाऊसच पडतो हा सर्वत्र

• रघुनाथ सोनटक्के

   तळेगाव दाभाडे, पुणे

   मो. 8805791905

२२ जुलै २०१८ च्या दै. लोकसत्ता मधे प्रकाशित
 ७ जुलै २०१८ च्या दै. विदभ मतदार मधे प्रकाशित 

पाऊस (अभंग)

« पाऊस »

आला हा पाऊस

सुसाटला वारा
आनंदला सारा
आसमंत

होड्या कागदाच्या
पाण्यात सोडूया
मस्त बागडूया
पावसात

शितल या सरी
घेवु अंगावरी
सोडू या घागरी
अंगणात

गरम ती भजी
पांघरू दुलई
बघुया थुईथुई 
खिडकीत

शाळेला आरंभ
मस्ती आता बंद
लावुया छंद
अभ्यासाचा

• रघुनाथ सोनटक्के

   तळेगाव दाभाडे

   मो. 8805791905

दि. २६ जून २०१८ च्या दै. कार्यारंभमधे प्रकाशित  
दि. ३ जुलै २०१८ च्या सायबर क्राईम मधे प्रकाशित
दि.८ जुलै आणि १५ जुलै २०१८ च्या दै. दिव्य-मराठी मध्ये प्रकाशित