बालकविता
स्वप्नात माझ्या
स्वप्नात माझ्या
स्वप्नात मी गेलो
आकाशातल्या घरी
तिथे भेटली मला
मैत्रिण माझी परी
चाॅकलेट, गोळ्यांचा
पाऊस तिथे पडायचा
आईस्क्रिमचा ढग
पांढराशुभ्र मिळायचा
कुल्फीच्या जंगलात
दिसेना कुठे धूप
पिझ्झाच्या फुलांतून
झरे चिज खुप
सायकल ना घोडा
उडत होतो हवेत
फिरवत होती परी
मला घेऊन कवेत
शुभ्र खडूचांदण्या
काळ्या नभाची पाटी
चंद्राची येई गाडी
मला फिरवायासाठी
छोटा भीम, डोरा
सगळेच तिथे हजर
करावी थोडी मस्ती
तर वाजला मग गजर
आईने दिली हाक
उठा शाळेला चला
स्वप्नातल्या दुनियेत
जायला आवडते मला
• रघुनाथ सोनटक्के
११ मे २०१९ दै. युवा छत्रपती मधे प्रकाशित बालकविता.
१२ मे २०१९ दै. डहाणू मित्रमधे प्रकाशित
११ मे २०१९ दै. युवा छत्रपती मधे प्रकाशित बालकविता.
१२ मे २०१९ दै. डहाणू मित्रमधे प्रकाशित
