मनी म्याव
मनी म्याव मनी म्याव
दिसते कशी छान
लांब लांब मिश्या तुझ्या
छोटे छोटे कान
उंदराची वाट कशी
बघते दबा धरून
दुध पिते चुटचुट
डोळे बंद करून
बोकोबा बाई तुझे
रागीट गं भारी
आले की ते तु
जाते मागच्या दारी
वाघाची तु मावशी
आमची गं मनी
लाड तुझे भारी
करतो साऱ्याजणी
बोल गडे तु
सांग तुझे नाव
आहे का बाई तुझे
नाव मनी म्याव
● रघुनाथ सोनटक्के
दै. 'दिव्य मराठी' (23-May-2017)
No comments:
Post a Comment