दिवाळी

दिवाळी

आली सगळ्यांची
आवडती दिवाळी
शाळेलाही सुटी
आनंदाच्या यावेळी

आई कर चिवडा 
शेव अन् मिठाई
करंजीसोबत लाडू
गोड बालूशाई

कुरकुरीत बनव
गोड शंकरपाळी
पक्वान्नाने भरेल
दिवाळीची थाळी

सगळ्यांना कपडे
आणा सुंदर नवे
शेरवाणी, जीन्स
ताई अन् मला हवे

फटाके फुलझड्या 
धमाधम वाजवू 
आकाशकंदीलाने 
घराला हो सजवू

करूया साजरा हा
दिवाळी सण
सगळ्यांना मिळू दे
खायला पण

• रघुनाथ सोनटक्के

५ नोव्हेंबर २०१८ (दै. पथदर्शी मधे प्रकाशित ) 
६ नोव्हेंबर २०१८ (दै. साप्ताहिक सायबर क्राईममधे प्रकाशित )