होळी आली

बालकविता

«  होळी आली »

रंगाची दुनिया लयच भारी
होळी खेळूया मिळून सारी

वेगवेगळे रंग अंगावर टाकू
एकमेकांना चला प्रेमाने माखू

 हिरवा, लाल, पिवळा, करडा
कुणी बनेल बघा रंगीत सरडा

काळ्या रंगाने झाला गेंडा गण्या
चिंधीबाबा दिसतो कपड्यांत जुन्या

पाण्याचा फेकतो रंगीत फुगा 
लपून लावे मला देतोय दगा

होळी खेळायचे कृष्ण अन् राधा
प्रेमाची होतसे साऱ्यांना बाधा

जमा करू कचरा तुटकी लाकडे
झाडांच्या रक्षणास लक्ष तिकडे

सगंळ्यासोबत होळी खेळूया
रंगाने मैत्रीचे नाते जोडूया

 • रघुनाथ सोनटक्के
  २२ मार्च २०१९ च्या दै. मराठवाडा संचार मधे प्रकाशित