वाघोबा

वाघोबा

डरकाळी फोडली कि
होतात सारे गार
वाघोबांना सगळेच
प्राणी भीतात फार

पिवळ्या अंगावर
पट्टे काळे काळे
घाबरतच पळतात
सारे खडे खडे

वाघोबाची मिशी
बारीक पिळदार
दातांचे सुळेपण
दोन अणुकूचीदार

सारेच त्याच्यापुढे
घोळतात गोंडा
हरिण असो कि
मग हत्ती वा गेंडा

• रघुनाथ सोनटक्के

मो. ८८०५७९१९०५
२७ जूलै २०१९ दै. युवा छत्रपतीत, शब्दरसिक पानावर प्रकाशित
४ ऑगस्ट २०१९ च्या दै. लोकसत्ता, लोकरंग पुरवणी, बालमैफलमध्ये प्रकाशित.