थंडी

थंडी
कुड कुड कुड
वाजे बघा थंडी
स्वेटर, टोपरं नी
घाला जाड बंडी

सकाळी सकाळी
धुक्याची चादर
शाळेला जायला
ऊठवते मदर

गरम शेकोटी
जाई धुर वर
आजोबा बसूया
चला लवकर

हात-पाय, डोके
पडले गार गार
उन्ह वाटे गोड
खावे फार फार

खारीक, लाडूंचा
खावुया खुराक
थंडीला पळवू
एकाच दमात
• रघुनाथ सोनटक्के

दै. युवा छत्रपतीमधे प्रकाशित
८ डिसेंबर २०१९ च्या मटा, झिपझैपझूम मधे प्रकाशित
 २९ डिसेंबर २०१९ च्या लोकसत्ता, बालमैफल मधे प्रकाशित