खोकला

चिंच, बोरं खाऊन

आला मला खोकला

आजीच्या सांगण्याने

दवाखाना गाठला

हळदीचे दुध आणि

आल्याचा चहा

दिवसातून दोनवेळा

म्हणे प्यायला हवा

दही खायला बंदी

नको आंबट फळे

वाढेल मग ढास

आणखी त्याच्यामुळे

चाॅकलेट्स झाली बंद

आईस्क्रीम मिळेना

साधंसरळ जेवन

मला मग गिळेना

आजी म्हणे आईला

छान लक्ष दोघं ठेवा

कोमट पाण्याचा शेक

याला द्यायला हवा

खाऊ नका थंडीचे

आंबट आणि गार

खोकल्याने नाकी नऊ

आणले मला फार

सिरप, गोळ्या देऊन

डाॅक्टरही दमला

आजीच्या नुस्क्यानी

खोकला मग थांबला

• रघुनाथ सोनटक्के

 

८ जाने २०२० च्या साप्ताहिक सायबर क्राईम मधे प्रकाशित. 
१५ मे २०२०, दै. युतीचक्र आणि आदर्श महाराष्ट्र