झाड

झाडं

हिरवं हिरवं झाड
पिवळी पिवळी फुलं
वार्‍याची मंद झुळूक
डोलतात कानी डूलं

हिरवं हिरवं झाड
पाऊस पडे रे खुप
अंगाचीही लाही लाही
थांबे धरतीची धूप

हिरवं हिरवं झाडं
विसावे पक्ष्यांचा थवा
गोड फळांचा खाऊ
सर्वांनाच वाटे हवा

हिरवं हिरवं झाड
पिल्लासाठी खोपा
सावलीत सारे
निवांत चला झोपा

हिरवं हिरवं झाड
गोड गोड फळ
खाता खाता मस्ती
येई आम्हा बळ

• रघुनाथ सोनटक्के

 १४ मे २०२०, जनमाध्यम 
१४ मे २०२०, दै. युतीचक्र आणि  आंदर्श महराष्ट्र