भाज्यांची मजा

भाज्यांची मज्जा
उघडानागडा आलू म्हणे
बघा मी आहे किती गोरा
काळे वांगे रूसलेले मग
बघत त्याचा असला तोरा

भेंडी चालत होती सरळ
हिरवी, हिरवी मस्त भारी
कापायला ती खूपच चिकट
देतेस त्रास उगीच तरी

दुधी भोपळा फुगला बघा
चालत तिरका तिरका
माझ्याविणा सांबर म्हणजे
काही चवच नाही बरं का!

भोपळा लाल किती गोड!
घार्‍या माझ्या हो करा
नाहीतर खुशालपणे मज
विळ्याने चरचरा चिरा

मिरची झाली तिखट भारी
पळेल आता तोंडचे पाणी
अद्दल घडवेन म्हणे अन्
याद राखाल मला तुम्ही

गाजरासंगे काकडी म्हणे
कोशींबिर मस्त माझी करा
कच्चे खायला येईल मज्जा
दोघांना सोबतच हो चिरा

कोबी,फ्लावर दोघी बहिणी
वेगळ्या आहेत थोड्या फार
एक घालते थोडेच कपडे
अन् दुसरी नेसते बुवा फार!

टमाटा गालात हळूच हसला
म्हणे रंग माझा चमकदार
मिसळतो मी सगळ्यांमधे
करा भाजी मस्त चटकदार
• रघुनाथ सोनटक्के
  मो. ८८०५७९१९०५