पतंग

« पतंग »

चला रे उडवू

पतंग आकाशी

जाईल दूर दूर 

उंच ढगापाशी

दूर दूर उडवा

पडेल बघा पीळ

लक्ष द्या बाजुला

सांभाळून रिळ

ढिल नका देऊ

खाईल मग गोता

सावरणे कठीण 

खाली येता येता

जाईन का रे तो

ढगांच्याही मागे

पुरतील का त्यासाठी
एवढेसे धागे 

जाता येईल का वर

पतंगाला धरून

पाहात येईल मग

जग सारे वरून

  • रघुनाथ सोनटक्के

१० डिसेंबर २०१८ च्या दै. डहाणू मित्र मधे प्रकाशित 
१४ जानेवारी २०१९ च्या विदर्भ मतदार मधे प्रकाशित 
१४ जानेवारी २०१९ च्या विदर्भ मतदार मधे प्रकाशित
११ मे २०१९ दै. केसरी, बालकुंज मधे प्रकाशित